မျက်လုံးသည် လူ့ခန္ဓာကိုယ်တစ်ခုလုံးတွင် အနူးညံ့ဆုံးအပိုင်းဖြစ်သဖြင့် ကောင်းစွာဂရုစိုက်ရန်လိုအပ်သည်။ အောက်ပါစိုးရိမ်ဖွယ် လက္ခဏာများ ဖြစ်ပေါ်လာပါက ဆေးကုသမှုအလျင်အမြန်ရယူပါ။
၎င်းမှာ ဦးနှောက်ထိခိုက်မိခြင်း၊ လေဖြတ်ခြင်း၊ မျက်လုံးထိခိုက်ခြင်း၊ ရေတိမ်ရောဂါ၊ မျက်သားရောင်ခြင်းတို့ကြောင့် ဖြစ်နိုင်သည်။
မျက်လုံးထိခိုက်ဒဏ်ရာရမှုမှန်သမျှသည် မျက်စိကွယ်စေနိုင်သဖြင့် အန္တရာယ်ရှိကြောင်း သိရှိရပါမည်။
မျက်ကြည်လွှာထိခိုက်မှု အသေးအဖွဲသည်ပင်လျှင် မှန်ကန်စွာမကုသနိုင်ပါက အမြင်အားထိခိုက်နိုင်ပါသည်။
အကယ်၍ မျက်လုံးအတွင်းသားအထိပါ နက်ရှိုင်းစွာ ထိခိုက်မိပြီဆိုပါက အတော်ပင်အန္တရာယ်ကြီးပါသည်။
တုံးသောအရာ (လက်သီးဖြင့် ထိုးမိခြင်းမျိုး) ဖြင့် မျက်စိထိခိုက်မိပါက မျက်လုံးအတွင်း သွေးကြောငယ်များ ပေါက်ပြဲပြီး သွေးများဖြင့် ပြည့်သွားနိုင်သည်။ ရက်အနည်းငယ် အတွင်း ဆိုးရွားစွာ နာကျင်လာပြီး ချက်ချင်း ရေတိမ်ရောဂါ ကူးပြောင်းသွားနိုင်ပါသည်။
အကယ်၍ ထိခိုက်မိသော မျက်လုံးသည် ပုံမှန်အမြင်အားရှိနေသေးပါက ပဋိဇီဝ မျက်စဉ်းခတ်ပြီး နူးညံ့၍ ပတ်တီးစ ထူထူနှင့် အုပ်ထားပါ။ ၁ရက်၊ ၂ရက်အတွင်း မသက်သာပါက မျက်စိဆရာဝန်နှင့် ဆေးကုသမှု ခံယူရပါမည်။
အကယ်၍ ထိခိုက်မိသော မျက်လုံးသည် ပုံမှန်အမြင်အား မရှိတော့ပါက (သို့) ဒဏ်ရာနက်ပါက (သို့) မျက်လုံးတွင်း သွေးများရှိနေပါက သန့်ရှင်းသော ပတ်တီးဖြင့် အုပ်ပြီး ဆေးကုသမှု ခံယူရပါမည်။ မျက်လုံးအား လုံးဝ မဖိထားပါနှင့်။
မျက်လုံးအတွင်း ကျည်စများ (သို့) ဆူးများ စိုက်ဝင်နေပါက မဖယ်ရှားပါနှင့်။ မျက်စိဆရာဝန်နှင့် ဆေးကုသမှု ခံယူပါ။
မျက်လုံးပိတ်ထားပြီး ဘယ်ညာ အထက်အောက်ကြည့်ခိုင်းပါ။ ထို့နောက် မျက်လုံးဖွင့်ထားပြီး အထက်အောက်ကြည့်ခိုင်းပါ။ ထိုအခါ မျက်ရည်များထွက်လာပြီး ဝင်ရောက်နေသောပြင်ပအရာများ ထွက်လာပါလိမ့်မည်။
ဝင်ရောက်နေသော ပြင်ပအရာများကိုရေသန့်ဖြင့်ဆေးချခြင်းဖြင့် ဖယ်ရှားနိုင်သလို စိုစွတ်သောဂွမ်းတောင့်ဖြင့်လည်း ဖယ်ရှားနိုင်ပါသည်။ အကယ်၍ ပြင်ပအရာသည် အထက်မျက်ခွံ အတွင်းသားတွင် ရှိနေပါက လူနာကို အောက်ကြည့်ခိုင်းပြီး မျက်ခွံပေါ်တွင် နားကြပ်တံကဲ့သို့ အရာတစ်ခုဖြင့်ဖိ၍ မျက်ခွံကိုအပြင်လှန်ပြီး ဖယ်ရှားနိုင်ပါသည်။
အကယ်၍ အလွယ်တကူ ဖယ်ရှားမရပါက မျက်စဉ်း အပျစ်ခတ်ပြီး မျက်လုံးကို ပတ်တီးစဖြင့် အုပ်ကာ မျက်စိဆရာဝန်နှင့် ဆက်လက်ကုသပါ။
ဘတ်ထရီအက်ဆစ်၊ ထုံး၊ ဓါတ်ငွေ့၊ ပိုးသတ်ဆေးများမျက်စိအတွင်းဝင်သွားလျှင်အန္တရာယ်ရှိပါသည်။ ထိုအခါ မျက်စိဖွင့်ထားပြီး မျက်စိကို အေး၍ သန့်ရှင်းသောရေဖြင့် မိနစ် ၃၀ ကြာဆေးပါ။ ၎င်းဆေးထားသောရေများ အခြား မျက်စိအတွင်းသို့မဝင်ပါစေနှင့်။
မျက်စိနီရဲကိုက်ခဲခြင်းမှာ အကြောင်းများစွာရှိပါသည်။ မှန်ကန်သောကုသမှုရရှိရန်မှာ အကြောင်းရင်းပေါ်မူတည်ပါသည်။ ထို့ကြောင့် အကြောင်းရင်းကို သေချာစွာစစ်ဆေးပါ။ အကြောင်းရင်းမှာ
မျက်လုံးတွင်ပြင်ပအရာများဝင်ရောက်နေခြင်း(သဲမှုံစသည်) |
အများအားဖြင့် မျက်လုံးတစ်ဖက်တည်းသာဖြစ်တတ်သည်။ နီရဲ ကိုက်ခဲခြင်း ရှိနိုင်သည်။ |
အန္တရာယ်ရှိသော အရည်ဝင်ရောက်ခြင်း (အက်ဆစ်စသည်) |
မျက်လုံးတစ်ဖက်(သို့)နှစ်ဖက်လုံးတွင်ဖြစ်တတ်သည်။ နီရဲကိုက်ခဲခြင်း ရှိနိုင်သည်။ |
ပန်းရောင်မျက်လုံး (မျက်မှေးရောင်ခြင်း)။ အဖျားရောဂါ (မျက်မှေးယားယံခြင်း)။ မျက်ခမ်းစပ်ရောဂါ။ ဝက်သက်ရောဂါ။ |
အများအားဖြင့် မျက်လုံးနှစ်ဖက်စလုံးဖြစ်တတ်သည်။ (တစ်ဖက် အရင် စဖြစ်သည်) မျက်သားအပြင်စွန်းတွင် အနီရဲဆုံး တွေ့ရသည်။ ပူလောင်နေတတ်သည်။ |
ရေတိမ်ရောဂါ။ မျက်ဖြူသားရောင်ရောဂါ။ မျက်ကြည်အနာ။ |
အများအားဖြင့် မျက်လုံးတစ်ဖက်တည်းသာ ဖြစ်တတ်သည်။ မျက်ဖြူသား နီရဲနေတတ်သည်။ အပြင်းအထန် နာကျင်သည်။ |
မျက်လုံးတစ်ဖက်(သို့)နှစ်ဖက်လုံးနီရဲနေမည်။ အနည်းငယ်ပူစပ်နေမည်။အိပ်ယာထလျှင် မျက်ခွံများစေးကပ်၍ဖွင့်မရဖြစ်တတ်သည်။ အထူးသဖြင့် ကလေးငယ်များတွင်အဖြစ်များသည်။
ရေနွေးဖြင့် အဝတ်သန့်သန့်ကိုဆွတ်ပြီး မျက်ဝတ်များကိုသန့်ရှင်းပါ။ ပဋိဇီဝမျက်စဉ်းအပျစ်ခတ်ပါ။ အောက်မျက်ခွံကို ဆွဲ၍ မျက်လုံး အတွင်း ဝင်အောင်ခတ်ရမည်။
မျက်မှေးရောင်ရောဂါသည် တစ်ဦးမှတစ်ဦးသို့ ကူးစက်တတ်သည်။ ထို့ကြောင့် အတူကစားခြင်း၊ အတူအိပ်စက်ခြင်း၊ မျက်နှာသုတ်ပုဝါ အတူသုံးစွဲခြင်း မပြုရ။ ရောဂါရှိမျက်လုံးကို ကိုင်တွယ်ပြီးပါက လက်ကို ဆေးကြောပါ။
မျက်ခမ်းစပ်ရောဂါသည် တစ်ဖြည်းဖြည်း ပိုဆိုးလာတတ်ပြီး လချီ၊ နှစ်ချီ ကြာတတ်သည်။ စောစီးစွာ မကုသပါက မျက်စိကွယ်တတ်သည်။ ယင်ကောင်မှ တစ်ဆင့်ကူးစက်သည်။ ရောဂါရှိမျက်စိကို ထိတွေ့မိပါကလည်း ကူးတတ်သည်။ ကျန်းမာရေး အသိပညာ နည်းပါးပြီး ဆင်းရဲ၍ လူနေထူထပ်သော နေရာများတွင် အဖြစ်များသည်။
၁% Tetracycline (သို့) Erythromycin မျက်စဉ်းအပျစ်ကို မျက်လုံးအတွင်းသို့ တစ်နေ့(၃)ကြိမ်(သို့) ၃% Tetracycline (သို့) Erythromycin မျက်စဉ်းအပျစ်ကို တစ်နေ့တစ်ကြိမ်ခတ်ပါ။ တစ်လကြာခတ်ပါ။ Tetracycline, Erythromycin, Sulfonaminde ကို ၂ ပတ်မှ ၃ ပတ်အထိ သောက်ရပါမည်။
စောစီးပြည့်စုံစွာ ကုသပါက တစ်ခြားသူတစ်ဦးသို့ ကူးစက်ခြင်းမှ ကာကွယ်နိုင်သည်။ မိသားစုတွင်တစ်ဦး ရောဂါတွေ့လျှင် ကျန်သူများ အားလုံး စစ်ဆေးသင့်ပြီး တွေ့ရှိက စောစီးစွာ ကုသသင့်သည်။ နေ့စဉ်မျက်နှာ သန့်စင်ဆေးကြောခြင်းသည် ကာကွယ်ခြင်း တစ်မျိုးဖြစ်သည်။
အကယ်၍ မိခင်တွင် Chlamydia (သို့) Gonorrhea ရောဂါပိုးရှိလျှင် မွေးဖွားစဉ် ရင်သွေးသို့ ကူးစက်နိုင်သည်။ ကလေး၏ မျက်လုံး
သို့ကူးစက်ပြီး မျက်စိကွယ်နိုင်သည်။ အကယ်၍ ပထမဆုံးလ၌ ကလေး၏ မျက်စိနီနေခြင်း၊ ရောင်ရမ်းနေခြင်း၊ ပြည်တည်နေခြင်းရှိလျှင် မိခင်၌ အထက်ပါ ပိုးတစ်မျိုး(သို့)နှစ်မျိုးလုံး ရှိနိုင်သည်။ ချက်ချင်း ကုသရန် လိုသည်။
Ceftriaxone ၁၂၅ မီလီဂရမ်ကို ပေါင်တွင်တစ်ကြိမ်ထိုးပါ။
Erythromycin အရည် ၃၀ မီလီဂရမ် တစ်နေ့ ၄ ကြိမ်ဖြင့် ၁၄ရက်တိုက်ပါ။
အကယ်၍ မည်သည့်ပိုးကြောင့်ဟု မခွဲခြားနိုင်လျှင် ရောဂါနှစ်မျိုးလုံး အတွက် ဆေးပေးပါ။
အမျာအားဖြင့် မိခင်များတွင် Chlamydia (သို့) Gonorrhea ပိုးရှိနေမှန်းပင် မသိကြချေ။ ထို့ကြောင့် ရင်သွေးများအား မျက်စိကွယ်ခြင်းမှ ကာကွယ်ရန်မှာ
မွေးပြီး ပထမ ၂နာရီအတွင်း Erythromycin ၀.၅% မှ ၁% မျက်စဉ်းအပျစ်ခတ်ပါ။ (သို့မဟုတ်)
အရေးပေါ် ကုသရန် လိုသည်။ မျက်စိဆရာဝန်နှင့် ပြသရန် လိုသည်။
ဤရောဂါသည် မျက်လုံးအတွင်း တင်းအားများလွန်း၍ ဖြစ်ပြီး အန္တရာယ်ကြီးသည်။ အသက် ၄၀ကျော်လျှင် စဖြစ်တတ်ပြီး မျက်လုံး ကွယ်ခြင်း၏ အဓိက အကြောင်းရင်းတစ်ခု ဖြစ်သည်။ ထို့ကြောင့် ရေတိမ်ရောဂါ၏ လက္ခဏာများကို သတိပြုရန်နှင့် စောလျင်စွာ ကုသရန် အရေးကြီးသည်။
ရေတိမ်ရောဂါ(၂)မျိုးမှာ
၎င်းမှာ ရုတ်တရက်ခေါင်းကိုက်ပြီး မျက်လုံးပြင်းထန်စွာ နာကျင်သည်။ မျက်လုံးနီရဲပြီး အမြင်စွမ်းအား ကျဆင်းသည်။ မျက်လုံးကို ဖိကြည့်လျှင် တင်းနေသည်။ အန်တတ်သည်။ မျက်စိသူငယ်အိမ် ကျယ်နေသည်။
ချက်ချင်း မကုသလျှင် ရက်အနည်းငယ် အတွင်း မျက်လုံးကွယ်နိုင်သည်။ ချက်ချင်း ဆေးကုသပါ။ ခွဲစိတ်ကုသရန် လိုသည်။
မျက်လုံးတစ်ဖြည်းဖြည်းတင်းလာသည်။ မနာကျင်ပါ။ အမြင်အားမှ တစ်ဖြည်းဖြည်းသာကျဆင်းလာတတ်၍ လူနာကိုယ်တိုင်သတိ မထားမိပါ။ မြင်ကွင်း စမ်းသပ်ခြင်းဖြင့် ၎င်းရောဂါကို ရှာဖွေနိုင်သည်။
စောစီးစွာ တွေ့ရလျှင် Pilocarpine မျက်စဉ်းပေးခြင်း၊ မျက်စိကွယ်ခြင်းမှ ကာကွယ်နိုင်သည်။ မျက်စိတွင်း ဖိအား (eye pressure) ကို တိုင်းတာပြီးမ ပေးရမည့် ပမာဏ ဆုံးဖြတ်နိုင်သဖြင့် ဆရာဝန် (သို့မဟုတ်) ကျန်းမာရေးဝန်ထမ်းကသာ လုပ်သင့်သည်။ မျက်စဉ်းဆေးကို တသက်လုံးသုံးနေရမည်။ လိုအပ်ပါက ခွဲစိတ်ကုသရမည်။
အသက် ၄၀ ကျော်လျှင် (သို့) ရေတိမ်ရောဂါရှိသည့် မိသားစုဝင်များသည် တစ်နှစ်တစ်ခါ မျက်စိတွင်း ဖိအားကို ချိန်ပေးရန် လိုသည်။
နီရဲခြင်း၊ နာကျင်ခြင်း၊ မျက်လုံးအောက်မှ နှာခေါင်းထိရောင်ရမ်းခြင်း၊ မျက်ရည်ကျခြင်း၊ ရောင်ရမ်းသည့် နေရာကို ဖိကြည့်လျှင် မျက်လုံး ထောင့်မှ ပြည်များ ထွက်လာခြင်းတို့ တွေ့နိုင်သည်။
ကလေးများတွင် ရှင်းလင်းပြတ်သားစွာမမြင်ရခြင်း (သို့) စာဖတ်သောအခါ ခေါင်းကိုက်ခြင်း၊ မျက်ရိုးကိုက်ခြင်း ရှိလာလျှင် မျက်မှန် တပ်ရန် လိုအပ်သဖြင့်စမ်းသပ်သင့်သည်။
လူကြီးများတွင် အသက်ကြီးလာလေ အနီးကြည့် မှုန်ဝါးလာလေဖြစ်သဖြင့် စာကြည့်မျက်မှန် တပ်ဆင်ရန် လိုသည်။ ၄၀ စင်တီမီတာ (၁၅ လက်မ)အကွာမှ ကြည့်၍မှုန်ဝါးနေလျှင် ဆရာဝန်နှင့်စမ်းသပ်ပါ။
တစ်ခါတစ်ရံ မျက်လုံးလည်ထွက်နေပြီး ကျန်အချိန်တွင် ပုံမှန်တည့်တည့်ဖြစ်နေလျှင် စိုးရိမ်စရာမရှိပါ။ အချိန်မီ တည့်သွားပါလိမ့်မည်။ အကယ်၍ အမြဲတမ်း လည်ထွက်နေလျှင် အသက်ငယ်စဉ် မကုသခဲ့ပါက ၎င်းမျက်လုံးသည် ကောင်းစွာ မမြင်နိုင် ဖြစ်သွားမည်။ ထို့ကြောင့် မျက်စိဆရာဝန်နှင့် စောစီးစွာပြသ၍ မြင်ရသည့် မျက်လုံးကို ပိတ်ထားခြင်း၊ ခွဲစိတ်ခြင်း၊ မျက်မှန်တပ်ခြင်းတို့ဖြင့် ကုသနိုင်သည်။ နောက်ကျမှခွဲစိတ်ကုသလျှင် မျက်လုံးတည့်တည့် ဖြစ်နေသော်လည်း အမြင်အား မကောင်းနိုင်ပါ။
အရေးကြီးသောအချက် ကလေးတိုင်း (အသက် ၄ နှစ်ဝန်းကျင်)ကို အမြင်အား စောစီးစွာစစ်ဆေးသင့်သည်။ အင်္ဂလိပ်စာလုံး ‘E’ Chart ကိုသုံး၍ မျက်လုံးတစ်ဖက်စီ၏ အမြင်အားကို စမ်းပါ။ အကယ်၍ တစ်ဖက် (သို့) နှစ်ဖက်လုံး အမြင်အား ကျနေပါက မျက်စိဆရာဝန်နှင့် ပြသပါ။
မျက်ခွံအစွန်းတွင် နီရဲ၍ရောင်နေသော အကျိတ်ဖြစ်သည်။ နွေး၍စိုစွတ်သော ဆားရေကြပ်ထုပ်ကို အကျိတ် ပေါ်တင်ပါ။ ပဋိဇီဝမျက်စဉ်း အပျစ်ကို တစ်နေ့(၃)ကြိမ်ခတ်ပါ။
နှာခေါင်းဘက် မျက်ဖြူသားမှမျက်နက် ( မျက်ကြည်လွှာ ) ပေါ်သို့ ထူထဲနူးညံ့သော မျက်သားများ တစ်ဖြည်းဖြည်း တက်လာခြင်း ဖြစ်သည်။ နေရောင်၊ လေ၊ အမှုန်အမွှားများ ထိတွေ့မှုကြောင့် ဖြစ်နိုင်သည်။ မျက်မှန်အနက် (နေကာ) တပ်ထားခြင်းဖြင့် ယားယံခြင်းမှ သက်သာနိုင်သလို မျက်သားတက်ခြင်းကိုလည်း နှေးစေသည်။ မျက်စိသူငယ်အိမ် ထိမရောက်မီ ခွဲစိတ်ဖယ်ရှားသင့်သည်။
ယားယံခြင်း၊ ပူလောင်ခြင်းမှ ရေအေးအုပ်ပေးခြင်းဖြင့် သက်သာစေသည်။ Camomile မျက်စဉ်း သုံးနိုင်သည်။
မျက်ကြည်လွှာခြစ်မိခြင်း၊ အနာဖြစ်ခြင်း၊ အမာရွတ်ဖြစ်ခြင်း၊ ပါးလွှာနူးညံ့သော မျက်ကြည်လွှာကို ခြစ်မိခြင်း၊ ရောဂါပိုးဝင်ပါက နာကျင်ပြီး မျက်ကြည်လွှာအနာ Cornea Ulcer ဖြစ်တတ်သည်။ မျက်ကြည်လွှာပေါ်တွင် မီးခိုးရောင်အပြင်လွှာကို တွေ့ရမည်။
ကောင်းစွာမကုသလျှင် မျက်စိကွယ်နိုင်သည်။ ပဋိဇိဝမျက်စဉ်းအပျစ်ကို တစ်နေ့ ၄ ကြိမ်နှုန်းဖြင့် (၇) ရက်ခတ်ပါ။ မသက်သာလျှင် မျက်စိဆရာဝန်နှင့် ပြသပါ။
မျက်ကြည်လွှာ အမာရွတ် Conea Scar မျက်ကြည်လွှာ အနာ၊ ပူလောင်နာ၊ မျက်လုံးထိခိုက်ဒဏ်ရာရခြင်းတို့ ဖြစ်ပြီး အနာကျက်လာပါက မျက်ကြည်လွှာပေါ်တွင် အဖြူရောင် အပြင်လွှာကို တွေ့ရသည်။ နာကျင်မှုမရှိချေ။ အကယ်၍ အလင်းရောင် မြင်နေရသေးပါက အမာရွတ်ကို ခွဲစိတ်၍ မျက်ကြည်လွှာ အစားထိုးခြင်းဖြင့် အမြင်အာရုံ ပြန်လည်ရရှိနိုင်သည်။
တစ်ခါတစ်ရံမျက်မှေးအောက် မျက်ဖြူသားတွင် သွေးပြင်လွှာအဖြစ်တွေ့ရတတ်သည်။မနာကျင်ပါ။ ထိခိုက်မိ၍ (သို့) ချောင်း အလွန်ဆိုးလျှင် ဖြစ်တတ်သည်။ သွေးကြောငယ်လေးများ ပေါက်သွား၍ ဖြစ်နိုင်ပြီး၊ အန္တရာယ်မရှိပါ။ (၂) ပတ်ကြာလျှင် အလိုအလျောက် ပျောက်သွားမည်။
၎င်းကို မွေးကင်းစများတွင်လည်း တွေ့နိုင်ပြီး ကုသရန် မလိုပါ။
တုံးသောလက်နက် (ဥပမာ လက်သီး) ဖြင့် ထိခိုက်မိပြီး အန္တရာယ်ရှိသည်။ နာကျင်ပြီး အမြင်အာရုံဆုံးရှုံးနိုင်သဖြင့် မျက်စိ ဆရာဝန်နှင့် ချက်ချင်းပြသပါ။ အကယ်၍ အနည်းငယ်သာနာကျင်ပြီး အမြင်အာရုံမထိခိုက်ပါက မျက်စိကို ဖုံးအုပ်ထားပြီး ရက်အနည်းငယ်ကြာ အိပ်ယာတွင် နားနေပါစေ။ အကယ်၍ ရက်အနည်းငယ်အတွင်း ပိုမိုနာကျင်ပြီး မျက်လုံးတင်းလာပါက မျက်စိဆရာဝန်နှင့် ချက်ချင်းပြပါ။
၎င်းမှာအန္တရာယ်ရှိသော လက္ခဏာဖြစ်သည်။ မျက်ကြည်လွှာ အနာဖြစ်ပြီးလျှင်လည်း တွေ့ရတတ်သည်။ ပဋိဇီဝ မျက်စဉ်း အပျစ် ခတ်ပါ။ မျက်စိဆရာဝန်နှင့် ချက်ချင်းပြပါ။
မျက်လုံးကိုစူးရှသောအလင်းရောင်ဖြင့်ထိုးကြည့်လျှင် သူငယ်အိမ်နောက်ဖက်ရှိ သဘာဝမှန်ဘီလူးမှာ နောက်နေသည်ကို တွေ့ရမည်။ အများအားဖြင့် အသက်ကြီးသူများတွင် တွေ့ရပြီး ကလေးငယ်များတွင်လည်း မွေးရာပါ တွေ့ရတတ်သည်။ ခွဲစိတ်ကုသလျှင် ပြန်မြင်ရသည်။ ခွဲစိတ်စဉ် မျက်လုံးအတွင်းထည့် မှန်ဘီးလူးထည့်ပေးပါက မျက်မှန် တပ်စရာမလိုပဲ အမြင်အာရုံ ပြန်လည်ရရှိနိုင်သည်။
အသက် ၁ နှစ်နှင့် ၅ နှစ်ကြားတွင်တွေ့ရပြီး ဗီတာမင်အေ လုံလောက်စွာ ပါသောအစာ မစားရခြင်းကြောင့်ဖြစ်သည်။ သတိမထားမိ၍ စောစီးစွာ မကုသခဲ့ပါက မျက်လုံးကွယ်နိုင်သည်။
ဗီတာမင်အေပါသော အစားအစာများကျွေးမွေးခြင်းဖြင့် Xerophthalmia ခေါ် ဗီတာမင်အေချို့တဲ့ရောဂါကို ကောင်းစွာ ကာကွယ်နိုင်သည်။
သတိပြုရန်။ ။ ဗီတာမင် အေ များသွားပါက အန္တရာယ်ရှိသည်။ ဤစာအုပ်တွင် ဖော်ပြထားသလောက်သာ တိုက်ပါ။
အကယ်၍ မျက်ကြည်လွှာဖြူလာခြင်း၊ တွင်းငယ်များ ပေါ်လာခြင်း၊ စူထွက်လာခြင်းတို့ဖြစ်လာပါက မျက်စိဆရာဝန်နှင့် ပြသပါ။ မျက်လုံးပတ်တီး စည်းပါ။ ဗီတာမင်အေ ၁၀၀,၀၀၀ (တစ်သိန်း) ယူနစ်ကို အသားဆေး ချက်ချင်းထိုးပါ။
အစိမ်းရင့်ရောင် ဟင်းသီးဟင်းရွက်များ၊ အဝါရောင်၊ လိမ္မော်ရောင် ရှိသောအသီးနှင့် အရွက်များတွင် ဗီတာမင်အေဓာတ် များစွာပါဝင်သဖြင့် ကလေးငယ်များအား မျက်စိကွယ်ခြင်းမှ ကာကွယ်ပေးသည်။
အချို့အသက်ကြီးသူများသည် နံရံ၊ ကောင်းကင်ကိုကြည့်လိုက်လျှင် သေးငယ်သော အစက်အပျောက်များ ရွေ့နေသည်ဟု ပြောလေ့ရှိသည်။ ၎င်း အစက်အပျောက်များသည် မျက်လုံးရွေ့ရာသို့ လိုက်ပါရွေ့နေတတ်သည်။ သေးငယ်သော ယင်ကောင်လေးများ ကဲ့သို့မြင်ရသည်။
အန္တရာယ်မရှိပါ။ ကုသရန်လည်း မလိုပါ။ အကယ်၍ အစက်အပျောက်များ ရုတ်တရက် အရမ်း များလာလျှင် အမြင်အား ကျဆင်းသွားလျှင် အပြင်လွှာ ကွာကျခြင်း ဖြစ်နိုင်သဖြင့် ချက်ချင်း ကုသရန်လိုသည်။
အကယ်၍ နှစ်ထပ်မြင်ရခြင်းမှာ ရုတ်တရက် သော်လည်းကောင်း၊ တစ်ဖြည်းဖြည်း ပိုဆိုးလာလျှင် သော်လည်းကောင်း စိုးရိမ်ရသော လက္ခဏာ ဖြစ်ပြီး ကုသရန် လိုသည်။ တစ်ခါတစ်ရံမှဖြစ်လျှင်မူ အားနည်းခြင်း၊ ပင်ပန်းနွမ်းနယ်ခြင်း၊ အာဟာရ ချို့တဲ့ခြင်း တို့ကြောင့် ဖြစ်နိုင်သည်။
အာဟာရ ပြည့်ဝစွာ စားသုံးပါ။
၎င်းရောဂါမှာ အာဖရိကနေရာတော်တော်များများတွင် တွေ့ရပြီး မက္ကဆီကို တောင်ပိုင်း၊ အမေရိက အလယ်ပိုင်းနှင့် အရှေ့မြောက်ပိုင်း တွင်လည်း တွေ့ရသည်။ ၎င်းမှာ သေးငယ်သော တုတ်ကောင်ကြောင့်ဖြစ်ရပြီး လူတစ်ဦးမှ တစ်ဦးသို့ ခြင်မည်းမှ သယ်ဆောင် ကူးစက်စေသည်။
ခြင်မည်း ကိုက်မိရာမှလည်း ကူးစက်နိုင်သည်။
၎င်းရောဂါသည် မျက်စိကန်းသွားသည် အထိ အန္တရာယ်ရှိသည်။ ဦးစွာ မျက်စိနီရဲပြီး မျက်ရည်ယိုလာမည်။ မျက်သားရောင်ရမ်းမည်။ မျက်ကြည်လွှာခြောက်သွေ့ပြီး တွင်းငယ်လေးများ ဖြစ်လာမည်။ နောက်ဆုံး မျက်ကြည်လွှာ အမာရွတ်၊ အတွင်းတိမ်၊ ရေတိမ်သို့ ကူးပြောင်းသွားတတ်သည်။
စောစီးစွာ ကုသပါက မျက်စိမကွယ်နိုင်ပါ။ ရောဂါအဖြစ်များသော နေရာများတွင် ရှာဖွေစမ်းသပ်ပြီး ရောဂါလက္ခဏာ တွေ့တွေ့ချင်း ကုသပါ။